Бөлүмдөр
Шаршемби, 17-июль
Ысык-Көл облусуЫсык-Көл району 19.02.2015 12:23

Ысык-Көл районунда кайра иштетүүчү заводдун керектөөсүн камсыз кылуу үчүн алма-өрүк аянттарын миң гектарга чейин көбөйтүү керектелүүдө, - райадминистрация

Turmush -  Ысык-Көл районунда келечекте курулуучу кайра иштетүүчү заводдун керектөөсүн камсыз кылуу үчүн багбандар алма-өрүктүн аянттарын 1000 гектарга чейин көбөйтүүсү зарыл. Бул тууралуу Ысык-Көл мамадминистрациясы маалымдады, деп билдирет аймактык кабарчы.

Ысык-Көл районунун дыйкан фермерлери бир аз аянттарга төө бурчак айдап, андан жакшы түшүм алышкан. Бирок, өстүрүп алынган түшүмдү сатып өткөрүүдө кыйынчылыктар жаралууда.

Райондун аймагында төө буурчак сактоочу 1000 тонналык жай бар. Бирок бул аздык кылат.

Аймакта кайра иштетүүчү тармактардын жоктугунан мөмө-жемиштер чыгымга учурайт. Ал эми Ысык-Көлдүн алмаларына Ирандан, Кытайдан, Россиядан кызыккан ишкерлер болууда. Себеби, бул жактын мөмө-жемиштери экологиялык жактан таза.

Райондо, Кытай ишкерлери Балыкчыга мөмө жемиштерди кайра иштетүүчү завод куралы деп ниеттенишүүдө. Ал эми курулушу болжолдонуп жаткан мөмө-жемишти кайра иштетүүчү заводдун керектөөсүн камсыздоо үчүн район 1000 гектарга чейин алма-өрүк аянттарын көбөйтүүгө тийиш.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×