Бөлүмдөр
Жекшемби, 18-август
Ысык-Көл облусуЫсык-Көл району 29.01.2016 14:05

Ысык-Көлдө жашаган үй-бүлөнүн 4 баласы диний көз караштан улам мектептен билим алуусун токтотту, - аким Р.Имангазиев

Turmush -  Ысык-Көл районунда жашаган үй-бүлөнүн 4 баласы диний көз караштан улам мектептен билим алуусун токтотту. Бул тууралуу бүгүн, 29-январда өткөн коллегиялык жыйында Ысык-Көл районунун акими Райымбек Имангазиев билдирди.

Анын айтымында, райондо балдардын билим алуусунун үзгүлтүккө учурашы курч маселе болууда.

«Акыркы 3 жылдан бери диний маселелер бир топ көйгөйлөрдү жаратууда. Жогоруда аталган үй-бүлө менен сүйлөшкөнбүз. Аларга айылдын аксакалдары да бул маселе боюнча барышкан. Бирок ага карабастан балдар ушу күнгө чейин мектепке барышпайт», - дейт аким.

Ошол эле учурда өкмөт өкүлү иретинде акыркы жолу коллегиялык жыйын өткөргөн Э.Каптагаев өлкөнүн ар бир жараны милдеттүү түрдө жалпы орто билим алууга тийиш.

«Ата-энелер балдарына диний билим бере алышат. Биз ага сый көз караштабыз. Бирок балдар жок дегенде жалпы орто билимге ээ болуулары керек. Ал эми бош убактысын кандай өткөрүүнү ата-энелер өздөрү тандайт. Бул маселени чечүү керек», - деди Э.Каптагаев.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×