Бөлүмдөр
Шейшемби, 16-июль
Ысык-Көл облусуЫсык-Көл району 04.04.2016 12:54

Айыл турмушу: Ысык-көлдүк пенсионер жасаган кактын түрүн соодагерлер чет өлкөгө алып кетишет (фото)

Turmush -  Ысык-Көл районундагы Бактуу-Долоноту айылынын 73 жаштагы тургуну Мария Щенотова 15 жылдан бери өзүнүн бакчасындагы жемиштерден кактын түрүн жасоо менен алек.

М.Щенотова Turmush басылмасынын кабарчысы менен болгон маегинде билдиргендей, учурда ал кактын 10дон ашык түрүн жасайт. Соодагерлер андан дүң баада сатып алышып, аны Казакстан, Россияга чейин алып кетишет.

«Жай келери менен жемиштин түрүн кайнатып, атайын идишке салып коем. Кышында, жазында даяр кайнатмалардын ар бир түрүнөн алып, улам жаңылап кургатып турам. Ошондуктан мен жасаган кактар катыбай, даамдуу болот. Соодагерлер дүң баада эле алып кетишет. Бирок мен жергиликтүү эл да жесин деген максатта кактын бир бөлүгүн алып коюп, жекшемби күндөрү Бостери айылындагы жарманкеге алып чыгып сатам. Мындан сырткары бакчамда өскөн дары чөптөрдү да кургатып, аны да кардарларыма сушуштайм. Менин таттуу кактарымды көпчүлүк жактырып алышат. Анткени кактарды малинадан, бүлдүркөндөн, алчадан, чычырканактан, карагаттан, шабдаалыдан да жасайм, булар абдан даамдуу болот», - дейт М.Щенотова.

Ал как сатуу менен бир жылда 300 миң сомго чейин киреше таап, каражатты неберелерине жумшайт.

40 жыл бала бакчада тарбиячы болуп эмгектенген М.Щенотова азыр да бөбөктөрдүн ден соолугуна пайда алып келген азык жасап жаткандыгы менен сыймыктанат. 

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×