Бөлүмдөр
Бейшемби, 18-июль
Ысык-Көл облусуЫсык-Көл району 12.04.2016 18:40

Айыл турмушу: 35 жаштагы баткендик Данияр Бостериде күндүзү таштанды чогултуп, сезондо 80 миң сом тапса, кечкисин куурчак театрда иштейт (фото)

Turmush -  Баткендик 35 жаштагы Данияр Аманов Ысык-Көл районунун Бостери айылындагы таштанды таштоочу жайда иштеп, сезон убагында 80 миң сом табат.

Д.Аманов Turmush басылмасынын кабарчысы менен болгон маегинде билдиргендей, ал Бостери айылына мындан 5 жыл мурун таежесинин чакыруусу менен келген.

«Таежем бул жерде 4 баласы менен иштейт. Алар айнек жана желим бөтөлкөлөрдү чогултушат. Ал мени бул жерде иштөө үчүн чакырган», - дейт ал.

Данияр жайында күндүзү таштандынын арасынан бөтөлкө чогултат. Ал эми кечкисин куурчак театрда жомоктогу каармандын ролун жаратат.

«Кышкысын бизден башка дагы 5-6 адам иштейт. Жайында алардын саны 17-18ге жетет. Себеби жайында элдер суусундукту көп колдонушат», - дейт Данияр.

Жайында ал 9 тоннага жакын бөтөлкө чогултат. Бир тоннасын 8-9 миң сомго сатат.

«Бир сезондо жакшы акча тапса болот. Азырынча мен тапкан акчамды чогултуп жатам. Келечекке койгон пландарым бар. Буюрса аларды ишке ашырам деп ойлойм», - деди ал.

Учурда ал таежесинин үй-бүлөсү менен таштанды таштоочу жайдан алыс эмес жерде жашайт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×