Бөлүмдөр
Шаршемби, 21-август
Ысык-Көл облусуЫсык-Көл району 20.06.2016 10:27

Айыл турмушу: Чоң-Өрүктүнүн тургуну Зинаида Ракиянова 46 жылдан бери китепканачы болуп иштейт (фото)

Turmush -  Ысык-Көл районунун Чоң-Өрүктү айылынын 69 жаштагы тургуну Зинаида Ракиянова 46 жылдан бери китепканачы болуп иштейт. Аймактык кабарчы тажрыйбалуу китепканачы менен маектешти.

Ал айылдык китепканага ушунча жылдан бери кошуна Григорьевка айылынан каттап иштейт. Китепканада райондо туулуп, айылда жашап, иштеп, эл кызматын аткарган мыкты инсандардын жашап өткөн жолун чагылдырган фото альбомдор, эскерүүлөр, дубал гезиттер, көргөзмөлөр бар.

«Мен китепканачы болуп көп жерде иштедим. Нарын облусунун Ак-Талаа районунда дагы эмгектенгем. Анда 19 жашта болчумун, азыр 69 жашка келдим. Ушул Чоң-Өрүктү айылдык китепканасын өзүм түптөдүм десем жаңылбайм. Алгач китепкананы ачканда болгону 120 китеп бар эле. Азыр китепкананын китеп фондусунда 6 миң китеп бар. Ленин жана Сталиндин томдору, башка бир нече гана китеп бар болчу. Ошол кезде өзүм Бишкекке барып Чернышевский атындагы китепканадан текчелерди, столдорду, китептерди алып келгем.

Өкмөт эмгегимди баалады. Турдакун Усубалиевдин колунан өкмөттүн грамотасын алгам. Көп жылдык эмгегим үчүн 2007-жылы «КР маданиятына эмгек сиңирген кызматкер» наамына ээ болгом. «КР маданиятынын мыктысы» төш белгим дагы бар», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×