Бөлүмдөр
Шаршемби, 21-август
Ысык-Көл облусуЫсык-Көл району 09.02.2017 17:12 На русском

Айыл турмушу: Ысык-көлдүк Н.Токтосунова элеттеги 25 кыз-келинди жумуш менен камсыз кылды (фото)

Turmush -  Ысык-Көл районунун Кожояр айылынын тургуну Наргиза Токтосунова 25 кыз-келинди жумуш менен камсыз кылды, деп билдирди Turmush басылмасынын кабарчысы.

Н.Токтосунова буга чейин Бишкек шаарында тикмечи болуп иштечү. Үй-бүлөлүк шартына байланыштуу Кожояр айылына көчүп келүүгө аргасыз болгон.

Айылда жумуш жок болгондуктан өзү иштеп жүргөн тигүү ишканасы менен сүйлөшүп, алардан бычылган кийимдерди алып келип, өзү теңдүү жумушсуз кыз-келиндерди жумушка чакырган. Натыйжада элеттик кыз-келиндер жумасына 5-6 миң сомдон маяна алып, бир жылдын ичинде өздөрүнө тигүүчү машиналарды сатып алышкан. Демилгелүү кыз-келиндердин ишин айыл өкмөт дагы колдоого алып, аларга мектептен атайын бир бөлмө беришкен.

Учурда бул ишти өркүндөтүп, жумуш орундарын көбөйтүүнү пландап жатышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×