Бөлүмдөр
Шаршемби, 21-август
Ысык-Көл облусуЫсык-Көл району 27.06.2017 11:16

Айыл турмушу: Ысык-көлдүк К.Абдыкеева апасынын атынан кол өнөрчүлөрдүн борборун ачып, жаштарга саймачылыкты үйрөтүп жатат (фото)

Turmush -  Ысык-Көл районунун Кашат айылынын 65 жаштагы тургуну Кундуз Абдыкеева кол өнөрчүлүктүн бир түрү болгон саймачылыкты жандандырууда. Аймактык кабарчы чебердин эмгектери менен таанышты.

К.Абдыкееванын айтымында, апасы Калиядан үйрөнгөн терме сайма менен ар кандай буюмдарды кооздоп, туш кийиздерди да сайып, каалагандарга сайма сайганды үйрөтүп келет.

«Энени көрүп, кыз өсөт, эжени көрүп сиңди өсөт» дегендей, илгери кыз бала тестиер чагынан тартып сайма саюу менен алектенчү. Саймачылык элибиздин көчмөндүү турмуш-тиричилигин, кесибин, калк мүдөөсүн жан дилинен чагылдырып келет эмеспи.

Мен дагы энемдин кол өнөрчүлүгүн урматтап, айылга «Калия апа» атындагы кол өнөрчүлөрдүн борборун ачкам. Ал жерде жалаң сайма саюуну үйрөтүп жатам. Кол менен сайма саюу акыркы мезгилде унутта калып бара жаткандыктан апамдан үйрөнгөн илме шибеге менен сайылчу саймаларды жайылтып, кыз-келиндерге үйрөтөм. Сайган саймаларым менен ар кандай сынактарга катышып, сыйлыктарга ээ болдум. Элдик колдонмо-жасалга өнөрүндө негизги орунду ээлеген саймачылыкты жаш муундарга үйрөтүп жатканыма сыймыктанам», - дейт К.Абдыкеева.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×