Бөлүмдөр
Ишемби, 24-август
Ысык-Көл облусуЫсык-Көл району 13.07.2017 13:09

Айыл турмушу: Ысык-көлдүк Данияр бир бүркүтү менен киреше тапса, экинчисин мелдешке даярдоодо (фото)

Turmush -  Ысык-Көл районунун Кашат айылынын 17 жаштагы тургуну Данияр Тынчтыкбеков акыркы 4 жылдан бери мүнүшкөрлүктү өздөштүрүүдө. Данияр учурда бир жаштагы Буудайык жана 3 жаштагы Кумайык аттуу эки бүркүттү багып жаткандыгын аймактык кабарчыга айтып берди.

«Буудайык менен көл жээгиндеги туристтерди сүрөткө тартып, кошумча киреше табам. Ал жароокер. Элден чочубай, колуна конуп берет. Бүркүттөр сезимтал болушат. Эгер урушуп койсоң көпкө чейин кечирбейт», - дейт жаш мүнүшкөр.

Ал белгилегендей, бүркүтүнө күнүнө 1 кг эт сатып берет. Аны менен сүрөткө түшүүнү каалагандар 50 сом акы төлөшөт.

«Кошуна агаларым бүркүт таптаган мыкты мүнүшкөрлөр. Алар бүркүттөрүн ар кандай сынактарга катыштырып, чемпион дагы болушкан. Мен дагы алардан таалим алып, Кумайыгымды аңчылыкка чыгарып, сынактарга даярдап жатам. Кийинки Бүткүл дүйнөлүк көчмөндөр оюнуна катышам деген планым бар», - дейт ал.

Данияр быйыл 10-классты аяктады. Келечекте жогорку билим алып, архитектор кесибине ээ болууну кыялданат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×