Бөлүмдөр
Ишемби, 24-август
Ысык-Көл облусуЫсык-Көл району 29.09.2017 18:25 Жаңыланды: 30.09.2017 12:49

Айыл турмушу: Көлдүк жубайлар Р.Мамутов менен А.Айдарканова ээр жасап, 1,5 миң доллардан сатышат (фото)

Turmush -  Ысык-Көл районунун тургундары Рысбек Мамутов менен Айзада Айдарканова 10 жылдан бери булгаарыдан кыргыз, орус ээрлерин жасап, 1,5 миң доллардан сатышат. Алардын эмгектерин аймактык кабарчы көрүп келди.

36 жаштагы Рысбек Мамутовдун айтымында, жасаган эмгектеринин баалары 5 миң сомдон башталат.

«Менин апам чебер киши эле. Кыргыз, орус ээрлерин жасаганды тай жактарымдан үйрөнгөм. Жубайым Айзада экөөбүз 10 жылдан бери ушул иш менен алектенип келебиз. Ээрлерди даярдоого 2 ай убакыт кетет. Алгач жыгачтарды чаап, сомдоп даярдап коебуз. Андан кийин терини бычып, оймолорду түшүрөбүз. Орус ээрлер кыргыз ээрлеринен айырмаланып темир кошулуп жасалат. Булгаарылар Италия, Кытайдан келет. Ошондой эле, өзүбүздүн булгаары заводдон алабыз.

Өзүбүздүн чакан ишканабыз бар. Бизге бул өнөрдү билген жигиттер жардамдашат. Алардын айлык акылары 15 миңден 20 миң сомго чейин», - деди ал.

Ал эми, жубайы Айзада Айдарканова жолдошуна жардамдашып, булгаарыга оймо-чиймелерди түшүрүп берет.

«Бош убактымда булгаарыларды кесип, ою түшүрүп жардам берип турам. Кымбат баалуу ээрлердин көпчүлүгү коңшу казак элине сатылат. Ошондой эле, айыл тургундарынан буйрутма түшүп турат», - деди ал.

Ишкерлер учурда 2 уул жана 1 кызды тарбиялап келишет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×