Бөлүмдөр
Шаршемби, 20-июнь
Ысык-Көл

Ысык-Көлдө милиция кызматкерлери бараткан унаа кырсыкка кабылып, 1 адам каза болду

Turmush -  18-майда Ысык-Көл облусунун Чок-Тал айылындагы унаа кырсыктан 1 жигит каза болуп, 2 жигит ооруканага жаткырылды. Бул тууралуу аймактык кабарчыга өздүк булактар билдиришти.

Маалыматка караганда, кырсыктан улам алган жаракаттарынан Түп районунун 1993-жылы туулган тургуну Н.Э. мерт кеткен. Калган экө Бишкектеги ооруканага жеткирилген.

Алар:

- 1992-жылы туулган Т.У. (мээси чайкалган);

- 1987-жылы туулган У.Р. (мээси чайкалып, ар кандай жаракаттарды алган).
Кырсыктан себептери такталып жатат.

Кийинчерээк Turmush басылмасына өздүк булактар маалымдашкандай, Ысык-Көл районунун Чок-Тал айылында жол кырсыгына кабылган «Субару Форестер» үлгүсүндөгү унааны милициянын кызматкери башкарып бара жаткан. Такталган маалыматтар боюнча, жол кырсык 18-майда болжол менен саат 14:35 чамасында Балыкчы—Ананьев — Каракол унаа жолунун 58-чакырымында катталган.

«Субару Форестер» унаасынын айдоочусу — 1987-жылы туулган Бишкек шаарынын тургуну милициянын кызматкери болуп саналат. Белгисиз себептерден улам рулду башкара албай, Чок-Тал айылындагы жолдун жээгинде жайгашкан электр трансформаторду сүзүп алган. Окуя болгон жерде жүргүнчү — Түп районунун Балбай айылынын 1993-жылы туулган тургуну Э.Н. каза болду. 1992-жылы туулган айдоочу У.Р. жана жүргүнчү Т.уулу У. дагы милициянын кызматкерлери болуп саналат. Алар Чолпон-Ата шаарындагы ооруканага жеткирилген.

Учурда тиешелүү экспертизалар дайындалып, тергөө иштери жүргүзүлүп жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1258
Көп окулду
×