Бөлүмдөр
Дүйшөмбү, 22-октябрь
Ысык-Көл облусуЫсык-Көл району 03.06.2018 17:10

Караколдо 6 жаштагы баланы унаа тебелеп кетти

Turmush -  Каракол шаарында «Субару Форестер» үлгүсүндөгү унаа 6 жаштагы баланы сүзүп кетти. Turmush басылмасынын кабарчысына маалым болгондой, жабырлануучу оор жаракат алып, көп узабай көз жумган. Бул маалыматты Ысык-Көл ОИИБдин басма сөз кызматы тастыктады.

Кечээ, 2-июнда саат 19:00 чамасында аталган унаа 1985-жылы туулган айдоочунун (Ж.Н., эркек киши) башкаруусунда Каракол шаарынын Жусаев көчөсү менен бара жаткан. Унаа Жусаев менен Коенкозов көчөсүнүн кесилишине жеткенде 6 жаштагы Усман чуркап чыгып, унаанын алдында калган. Учурда бул факты боюнча кылмыш иш козголуп, тергөө иштери башталды. Ошондой эле тиешелүү экспертизалар дайындалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×