Бөлүмдөр
Шаршемби, 21-август
Ысык-Көл облусуЫсык-Көл району 03.09.2018 15:26

Көчмөн элдин жашоосун чагылдырган көргөзмө: Кырчындагы Чүй облусунун ордосу (сүрөт)

Turmush -  III Бүткүл дүйнөлүк көчмөндөр оюндарынын алкагында Кырчын жайлоосунда Чүй ордосу боз үйлөрдү тигип, меймандарды тосууга даяр. Бул тууралуу облус жетекчилигинен билдиришти.

Чүй ордосунда Ысык-Ата жана Москва райондорунун боз үйлөрү өзгөчө жасалгаланып, хан ордосуна орнотулган. Мындан тышкары ордодо көчмөн кыргыз элинин жашоо-шартын камтыган байыркы замандын «Улуу Жибек жолу» көргөзмөсү көрсөтүлүүдө. Көргөзмөдө ээрлер, кылычтар, жаалар, найзалар, жаргылчактар, аталгылар, кумгандар жана башка буюмдар коюлган.

Кырчын жайлоосунда 3-сентябрдан тарта 7-сентябрга чейин көчмөн элдин каада-салттары көрсөтүлгөн маданий-массалык иш-чаралар өткөрүлүп, театралдаштырылган «Кыз оюну» жана этно-фольклордук ыр-бий көрсөтүлөт.

«Ошондой эле улуттук салттуу ырлар, кол өнөрчүлүк, көркөм сүрөт өнөрү, кыргыз боз үйүнүн жалпы жасалгаланышы, терме согуу сынагы өтүп, чий согуу, кыл аркан эшүү боюнча көргөзмө уюштурулат. Уюштуруу иштерине жалпы 500 адам катышууда», - деп айтылат маалыматта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×