Бөлүмдөр
Шаршемби, 21-август
Ысык-Көл облусуЫсык-Көл району 03.09.2018 19:10 На русском

Көчмөндөр оюндары: Ордолордун эң чоңун Ысык-Көл облусу 140 боз үй менен түптөдү (сүрөт)

Turmush -  Кырчын жайлоосунда Ысык-Көл облусунун ордосу 140 боз үй менен түптөлдү. Ордолордун эң ирисин Ысык-Көл облусу уюштурду, деп билдирди өкмөттүн облустагы ыйгарым укуктуу өкүлүнүн орун басары Элмира Үсөнова.

Андагы ар бир боз үй улуттук өзгөчөлүктөрдү чагылдыруучу мааниге ээ. Ал эми ордонун ортосунда жайгашкан сахнада маданият кызматкерлери кыргыз элинин каада-салтын, үрп-адаттарын сахналаштырып көргөзүп беришти. Маданий кечеде алгач Жети-Өгүз районунун маданият бөлүмүнүн адистери күйөө баштык сатуу жөрөлгөсүн көрсөтүшкөн.

Мындан сырткары кол өнөрчүлүктүн бир нече түрлөрү боюнча уз-чеберлердин эмгектеринин көргөзмөсү уюшулду. Андагы эмгектер менен Германиядан келген 3 эс алуучу ыктыярчылардын жардамында кенен таанышып чыгышты. Андан кийин Ысык-Көл ордосундагы иш-чара элдик таланттардын жана маданият кызматкерлеринин катышуусундагы концерттик программа менен улантылды.

Маданий иш-чаралар эртең, 4-сентябрда кайрадан улантылат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×