Бөлүмдөр
Ишемби, 24-август
Ысык-Көл облусуЫсык-Көл району 04.09.2018 14:30 Жаңыланды: 04.09.2018 15:27 На русском

Көчмөндөр оюндары: Ош облусунун ордосундагы хан көтөрүү жөрөлгөсү (видео, сүрөт)

Turmush -  Бүгүн, 4-сентябрда Кырчын жайлоосунда Ош облусунун командасы хан көтөрүү жөрөлгөсүн көрсөтүштү. Бул тууралуу өкмөттүн Оштогу өкүлчүлүгүнүн басма сөз катчысы Айтмат Азамжан уулу кабарчыга билдирди.

«Илгери уруулардын бийлери, эл өкүлдөрү, айыл аксакалдары, элден чыккан чыгаан уулдар, байбичелер, хандын байбиче, токолдору, кыз-келиндер журтту башкарган хан эл-жерин коргогон согушта курман болгондон кийин жаңы ханды шайлашкан. Ошол хандын ордун басуучу адамды тандоо үчүн бакыт кушу учурулган. Ошол куш кимдин башына консо, ошол хан болууга татыктуу деп эсептелинип, аны хан көтөрүшкөн.

Хан көтөрүүдө атайын бир күндү белгилешип, бүткүл кыргыз журтчулугунан аттуу-баштуу адамдар чакырылчу. Анда ак бээ союлуп, хан болуучу адамды ак кийизге көтөрүшкөн. Андан кийин хан тактысына отургузулат. Хан болуучу адам эл алдында өзүнүн эли-жерин көздүн карегиндей сактоого, адилет башкарууга, ак кызмат кылууга ант берет.

Бүгүн биздин жамаат хан көтөрүү жөрөлгөсүн көрсөтүп жатышат. Атайын ак боз ат дагы алып келген. Мындан сырткары этнобазарда Ош облусунан келген 25тен ашуун кол өнөрчүлөр өздөрү жасаган буюмдарын көргөзмөгө алып чыгып, сатып жатышат», - деди Айтмат Азамжан уулу.

Өзгөн районунун 47 жаштагы тургуну Жылдызбек Шамшиев Кырчынга жыгачтан, чоподон, кийизден жасаган буюмдарын алып келген.

«Мен комуз, калпак, улуттук колориттеги идиш-аяктарды, тамырдан жасалган коллекцияны көргөзмөгө алып келдим. Учурда туристтер улуттук оюм-чийимдер түшүрүлгөн буюмдарга кызыгып, сатып алып жатышат. Мен устачылык менен 21 жылдан бери алектенип келем», - деди Ж.Шамшиев.

Ош облусу 14 канаттан, 130 ууктан турган, 1 метр бийиктиктеги боз үй тигишкен. 70 адам батуучу бул боз үйдүн ичине 12 ала кийиз салынган. Ал эми мурун мындай боз үйлөр хандар үчүн гана тигилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×