Бөлүмдөр
Ишемби, 24-август
Ысык-Көл облусуЫсык-Көл району 06.09.2018 10:27

Көчмөндөр оюндары: 300 адамдын катышуусундагы түндүк көтөрүү жөрөлгөсү (сүрөт)

Turmush -  Кырчын этношаарчасындагы Ысык-Көл облусунун ордосунда түндүк көтөрүү жөрөлгөсүн көрсөтүп беришти. Эки сааттан ашык убакытка созулган иш-чараны 125 ооз комузчу, 60 комузчу коштоп, көрүүчүлөр арбын болду, деп билдирди аймактык кабарчы.

Облустун тургундары түндүк көтөрүп, көчмөн кыргыз элинин конушка жайгашуусун, турмушун, эр оодарыш сыяктуу улуттук оюндарын көрсөтүштү.

Ысык-Көл облусунун башкы режиссёру Алик Асановдун айтымында, түндүк көтөрүү жөрөлгөсү ордодогу эң негизги иш-чара болду. 300дөн ашуун маданият кызматкерлери улуттук кийимдерди кийип, ата-бабалардын баскан изин чагылдырышты.

Буга чейин Ысык-Көл облусунун ордосунда тушоо кесүү салты көрсөтүлгөн. Кара-балталык жубайлар — Чыңгыз Өмүркулов менен Чолпонай Сыдыгалиева кызы Дарыянын тушоосун кесишти.

100дөн ашык апанын катышуусундагы тушоо тойго чуркоо үчүн келгендер арбын болду. Жыйынтыгында 1-орунга чыккан жеңүүчүгө нан бышыргыч, андан кийинки орундарга баалуу белектер берилди.

Ошондой эле ордолордун эң чоңун түптөгөн Ысык-Көл облусунун тургундары күйөө баштык сатуу, баланы бешикке салуу жөрөлгөсүн жана кыз узатуу салтын көрсөтүп беришкен болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×