Бөлүмдөр
Шаршемби, 21-август
Ысык-Көл облусуЫсык-Көл району 07.09.2018 11:16

Намыс барбы, элиңерге кантип барасыңар? Казак көк бөрүчүлөрү атайын утулду деген шек жаралып, нааразычылык айтылды (видео)

Turmush -  Казакстандын көк бөрү боюнча командасы Көчмөндөр оюндарынын алкагындагы мелдеште кыргыз көк бөрүчүлөрү менен мелдешке чыкпоо үчүн Өзбекстандын командасына атайын утулуп койду деген шектенүү жаралууда.

Интернетте КРнын көк бөрү федерациясынын мурдагы өкүлү Талас Бегалиевдин казак көк бөрүчүлөрү менен сүйлөшүп жаткан видеосу чыкты. Анда Бегалиев казакстандык көк бөрүчүлөр жигитче чындап ойносо болмоктугун айтып жатканы тартылган.

Т.Бегалиевдин сөздөрү өзгөртүүсүз берилди:

«Эркекче кылбай койдуңар. Эркекче ойносоңор болмок. Былтыр жакшынакай барып, силерди сыйлап бергенбиз, ойноп бергенбиз, бүт «правилаңарга» макул болуп ойноп бергенбиз. Астанага мен баргам былтыр. Жакшынакай, бардыгына макул болгонбуз. Кандай болду? Барына чыдап ойнодукпу? А эмне андай кылбай койдуңар?

Казак көк бөрүчүсү: Колубуздан келгенин истедик...

Бегалиев: Жок, эркекче кылып койбойсуңарбы. Намыс деген барбы силерде? Спорт го эми. Эмне «политиканы» аралаштырасыңар? Эмне коркосуңар анчалык көк бөрүдөн? Бул оюн го, бул спорт го. Жигитче ойноп туруп, күлүп-жайнап кетпейсиңерби жакшынакай болуп элиңерге. Өзбекстан көкпар ойногон эмес, көк бөрү өмүрү ойногон эмес. Кантип утулуп барасыңар элиңерге? Кайсы бетиңер менен барасыңар? Мен деген казактын намыскөй жигиттери келип туруп, ушундай жатып бергениңер «позор» эле болду».

Видеонун автору Казакстандын көк бөрүчүлөрүнүн айткан сөздөрүн кесип койгон болушу мүмкүн.

Буга чейин жарым финалда Казакстан менен Өзбекстандын командалары таймашып, казак көк бөрүчүлөрү 5:4 эсебинде утулуп калышкан. Көпчүлүк бул жолу кыргыз жана казак көк бөрүчүлөрү финалга чыгып, кызыктуу таймаш болот деп күтүп жатышкан эле.

Эми финалда Кыргызстан менен Өзбекстандын көк бөрүчүлөрү таймашат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×