Бөлүмдөр
Жекшемби, 18-август
Ысык-Көл облусуЫсык-Көл району 02.03.2019 20:14 На русском

Ысык-Көлдө «смотрящий» кармалды

Turmush -  ИИМдин Криминалдык милиция кызматынын кызматкерлери уюшкан кылмыштуу топтун мүчөсүн кармашты. Ал Ысык-Көлдөгү Бостери айылында «смотрящий» экенин Turmush басылмасына укук коргоо органдарындагы булактар билдирди.

Болжолдуу маалымат боюнча, Ысык-Көл РИИБге жергиликтүү тургун – 1980-жылы туулган Алмаз (А.С., аты өзгөртүлдү) арыз менен кайрылган. Ал уюшкан кылмыштуу топтун мүчөсү – 1984-жылы туулган Максатка (М.К.) чара көрүүнү өтүнгөн. Жабырлануучу арызында Максат 3 жылдан бери анын үй-бүлөсү жана жакын туугандарын зомбулук көрсөтөм деп коркутуп, акча алып жүргөнүн жазган.

Айрым маалыматтарга караганда, Алмаз мал чарбачылык менен алектенгендиктен шектүүгө буга чейин акча берип жүргөн. Акыркы жолугушууда Максат андан 10 миң доллар талап кылып, акча бербесе үй-бүлө мүчөлөрү жана жакын туугандары жабыркашы мүмкүн экенин айтып коркуткан. Андан кийин жабырлануучу арыз менен милиция кызматкерлерине кайрылган.

Ысык-Көл ОИИБдин басма сөз кызматы бул маалыматты тастыктап, Кылмыш-жаза кодексиндеги 201-берененин (тоноо) 2-пункту боюнча кылмыш иши козголуп, шектүү кармалып, сотко чейинки өндүрүш башталганын билдирди. Бирок Turmush басылмасына маалымд болгондой, Ысык-Көл райондук соту шектүүнү үй камагына чыгарган.

Жабырлануучунун айтымында, Максат аны кайрадан коркутуп баштаган. Ал эми айылдаштарынын айтымында, Максаттын туугандары жана айылдаштары райондук сотто иштейт. Алар соттун чечимине таасирин тийгизиши мүмкүн. Жабырлануучу жакындары үчүн кооптонуп жатканын айтат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×