Бөлүмдөр
Жекшемби, 18-август
Ысык-Көл облусуЫсык-Көл району 05.04.2019 09:34 На русском

Сүрөт — Ысык-Көлдөгү жол кырсыктан жубайлар жана 2 баласы каза болду

Turmush -  Ысык-Көл облусунун аймагындагы жол кырсыктын кесепетинен 4 адам каза болду, деп билдирди ОИИБ. Бүгүн, 5-апрелде саат 00.30 чамасында Ысык-Көл РИИБге Бактуу-Долоноту айылынын жанында 2 унаа катышкан кырсык болгону тууралуу маалымат берилген.

Окуя болгон жерге барган ыкчам топ аныктаган маалымат боюнча, Балыкчы—Ананьев—Каракол жолунун 84-чакырымында Чүй облусунун 42 жаштагы тургуну К.М. башкарган «Фольксваген-Гольф-3» унаасы чыгыштан батышты көздөй бара жатканда «Тойота-Ист» унаасы менен кагышкан. Экинчи унааны Түп районунун 56 жаштагы тургуну Д.Ш. башкарып жүргөн.

Кырсыктын кесепетинен окуя болгон жерден оор жаракат алган 4 адам көз жумду. Алар бир үй-бүлөнүн мүчөлөрү.

Каза болгон жарандар:

- «Фольксваген-Гольф-3» унаасынын айдоочусу;

- айдоочунун жубайы — 41 жаштагы С.Д.;

- жубайлардын 3 жана 5 жаштагы уулдары: М.Э. жана М.Т.

Бул унаадагы башка жүргүнчүлөр — 37 жаштагы К.М. жана айдоочунун 6 жаштагы кызы Ысык-Көл райондук ооруканасынын хирургия бөлүмүнө жаткырылган. Ошондой эле «Тойота-Ист» унаасынын жүргүнчүсү Б.З.ооруканада дарыланып жатат.

Бул факт Кылмыштар жана жоруктардын бирдиктүү реестрине катталып, сотко чейинки тергөө иштери башталды. Тиешелүү экспертизалар да дайындалган.

Ал эми ӨКМдин басма сөз кызматы билдиргендей, жол кырсык 5-апрель күнү саат 00:41 чамасында Балыкчы—Каракол унаа жолунун 85-чакырымында (Бактуу-Долоноту айылы) катталып, «Тойота-Ист» жана «Фольксваген-Гольф-3» үлгүсүндөгү эки унаа кагышкан.

Жол кырсыктын кесепетинен «Фольксваген-Гольф-3» унаасындагы 3 адам каза болуп, 2 адам жабыркаган. Мындан тышкары, экинчи унаадагы 1 аял жабыркаган. Куткаруучулар каза болгон жарандардын жансыз денелерин унаадан чыгарышып, ИИМдин кызматкерлерине өткөрүп беришкен. Ал эми жабыркаган жарандар тез жардам кызматы тарабынан Чолпон-Ата шаардык ооруканасына жеткирилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×