Бөлүмдөр
Жекшемби, 18-август
Ысык-Көл облусуЫсык-Көл району 06.04.2019 11:30 На русском

Ысык-Көлдө «БМВ» менен «Фольксваген» бетме-бет кагышты. Окуянын чоо-жайы

Turmush -  Ысык-Көл облусунда «БМВ» жана «Фольксваген Гольф 3» үлгүсүндөгү унаалар бетме-бет кагышып, 3 адам ооруканага түштү. Алардын бири 5 жаштагы бала.

Маалым болгондой, жол кырсык 5-апрелде саат 16:35 чамасында Балыкчы—Ананьев—Каракол унаа жолунун 16-чакырымында тактап айтканда, Сары-Камыш жана Кызыл-Өрүк айылдарынын ортосунда катталган.

Анда Түп районунун 1989-жылы туулган тургуну А.Т. «Фольксваген Гольф 3» үлгүсүндөгү унаасы менен чыгышты карай бара жатып, карама-каршы тилкеде келе жаткан «БМВ» унаасы менен сүзүшкөн. Аны Бишкек шаарынын 1979-жылы туулган тургуну И.Р. башкарып бара жаткан.

Жол кырсыктын кесепетинен «Фольксваген Гольф 3» унаасынын айдоочусу А.Т. Балыкчы шаардык ооруканасынын жандандыруу бөлүмүнө, ал эми «БМВ» унаасынын айдоочусу И.Р. жана анын 2014-жылы туулган баласы Н.Э. ошол эле оорукананын сыныктар бөлүмүнө жаткырылган.

Болжолдуу маалыматтарга караганда, «Фольксваген Гольф 3» унаасынын айдоочусу уктап кетип, карама-каршы тилкеге чыгып кеткен.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×