Бөлүмдөр
Шаршемби, 21-август
Ысык-Көл облусуЫсык-Көл району 27.06.2019 21:12

Көлдүн Кырчын жайлоосунда жаштар руханий дүйнөсүн өнүктүрүп жатат

Turmush -  Ысык-Көл районунун Кырчын жайлоосунда Кыргыз Республикасынын өкмөтүнө караштуу Жаштар иштери, дене тарбия жана спорт боюнча мамлекеттик агенттиги тарабынан уюштурулган «Жаш булак-2019» эл аралык жаштар форум-лагери өтүүдө. Бул тууралуу аймактык кабарчы билдирди.

Аталган лагерге Белоруссия, Өзбекстан, Россия жана Кыргызстандын бардык аймагынан келген активдүү жаштар катышууда.

Форум-лагердин максаты — жаштардын кесипкөйлүүгүн, талантын өнүктүрүү, маданий жана моралдык баалуулуктарын өстүрүү, шыктандыруу аянтчасын түзүп берүү.

«Форум-лагери жаштарга уникалдуу билим программаларын алууга, таланттарын тартуулоого, тилектештиктерин табууга мүмкүнчүлүк түзүп, ошондой эле коомдук жана мамлекеттик колдоо көрүү үчүн түрдүү форматтагы аянтчалар түзүлгөн. Лагердин алкагында локалдык илимий жана билим берүүчү тренингдер, мастер-класстар, жарышуулар, таанымал инсандар менен жолугушуулар, билим берүүчү долбоорлордун жана курстардын презентациясы орун алды. Шык берүүчү спикерлер катары аткаруу жана мыйзам чыгаруу органдарынын өкүлдөрү, коомдук ишмерлер, белгилүү окумуштуулар, ишкерлер жана ийгиликтүү башкаруучулар, квалификациялуу машыктыруучулар катышты.

Лагердин жүрүшүндө жаштар бири-бири менен кенен таанышып, ар кандай концерттик программаларда өздөрүнүн ыр-бийин аткарып, ошондой эле кайсыл жерден келсе ошол жактын белгилүү тамак-аштарын жасап берип жатышты.

Ошону менен катар жаштар ал жерден кадимкидей боз үй, чатырларда жатып жана үч маал өздөрү тамак-аштарын жасап жеп жатышты. Бардык чыгымдар Кыргыз Республикасынын өкмөтүнө караштуу Жаштар иштери, дене тарбия жана спорт боюнча мамлекеттик агенттиги тарабынан каржыланып, «Жаш булак» форумуна катышуу акысыз болууда», - деп билдирди катышуучу.

Лагерге 18 жаштан 35 жашка чейин жарандар, ошондой эле жергиликтүү өз алдынча башкаруу органдарынын жаштар менен иш алып барган адистери катышып жатышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×