Бөлүмдөр
Жекшемби, 18-август
Ысык-Көл облусуЫсык-Көл району 04.07.2019 17:42

Видео — Ысык-Көлдө 3 унаа кагышып, бири аласалып кетти. Жабыркагандар бар

Turmush -  Ысык-Көл районунда 3 унаанын катышуусунда жол кырсык катталды, деп билдиришти күбөлөр. Алардын айтымында, жол кырсык 2-июлда райондун Кара-Ой айылында болгон.

«Айылдын көчөлөрүнүн биринен «Жигули» үлгүсүндөгү унаа чоң жолго чыга калган. Ошол учурда катуу ылдамдыкта келе жаткан «Тойота» үлгүсүндөгү 2 унаанын биринин айдоочусу тормозун баскан. Ал эми артынан келе жаткан унаа алдыңкы унаадан буйтап өтүүгө аракет кылып, «Жигулини» сүзгөн. Анын кесепетинен эки «Тойота» жолдун четине чыгып, «Жигули» жолдун ортосунда аласалып кеткен», - дешти күбөлөр.

Алдын ала маалыматтарга караганда, жабыркаган 4 адам ооруканага жеткирилген. Ал эми «Тойота» үлгүсүндөгү унаада жаңы эле Бишкектен операция болуп келе жаткан жүргүнчүнү кайра борборго алып кетишкен.

Буга чейин «Репортер» кырсык тууралуу маалымдаган. Учурда тактоо иштери жүрүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×