Бөлүмдөр
Дүйшөмбү, 19-август
Ысык-Көл облусуЫсык-Көл району 06.07.2019 11:55 На русском

Бүгүн таң эрте жолдон жүргүнчү салган айдоочу унаасыз калды. Сүрөт

Turmush -  Жергиликтүү тургундун унаасын тартып кеткен адам кармалды. Бул тууралуу Ысык-Көл ОИИБден билдиришти.

Маалым болгондой, бүгүн, 6-июлда болжол менен саат 05:45 чамасында Ысык-Көл облусунун Ысык-Көл районундагы Бостери айыл аймагынын Бактуу-Долоноту айылынын 31 жаштагы тургуну Ысык-Көл РИИБ менен телефон аркылуу байланышып, мас абалындагы белгисиз адам күч колдонуп, «ВАЗ-2104» үлгүсүндөгү автоунаасын тартып алып, белгисиз тарапка айдап кеткендигин билдирген.

Жабырлануучунун айтымында, болжол менен эртеӊ мененки саат 05:25 чамасында Бактуу-Долоноту айылынан автоунаасына белгисиз жүргүнчүнү отургузуп, Кара-Ой айылына багыт алган. Аталган жүргүнчү жете турган жерине жеткенден кийин айдоочуну бетке урган. Жабырлануучу ээсин жоготкондон кийин автоунаасын айылдын күн батыш тарабына айдап кеткен.

Аталган факт Ысык-Көл РИИБдин Кылмыштардын жана жоруктардын бирдиктүү реестрине катталып, кылмыш бетин тез арада ачуу максатында «Сирена» операциясы киргизилген. Көрүлгөн иш-аракеттердин натыйжасында кылмышка шектүү адам жайкы туристтик сезондо коопсуздукту камсыз кылууга тартылган милиция кызматкерлери тарабынан колго түшүрүлгөн.

«Автоунааны айдап кеткен шектүү Казакстан мамлекетинин жараны, атайын багыттагы отрядынын ардагери К.С. болуп чыкты. Ал өзүнүн көрсөтмөсүндө өтө кызуу абалда болгондуктан кыймыл-аракетине жооп бере албагандыгын белгилеген.

Шектүү Ысык-Көл районунун ЖКККБ кызматкерлери Н.Абдырахманов менен Н.Кылычбаев тарабынан кармалды», - деп билдиришти аталган түзүмдөн.

Бул факты боюнча чогулган материалдар Ысык-Көл РИИБдин тергөө кызматына юридикалык баа берүү үчүн өткөрүлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×