Бөлүмдөр
Дүйшөмбү, 19-август
Ысык-Көл облусуЫсык-Көл району 19.07.2019 08:57

«Отчетто эски сүрөттөр»: Ысык-Көлдө кара куурайды жок кылуу иши кечигип жатат

Turmush -  Ысык-Көл облусунун аймагында кара куурайды жок кылуу иши 18 күнгө кечигип жатат. Бул тууралуу ИИМдин Баңгизатты мыйзамсыз жүгүртүүгө каршы күрөшүү кызматынын Ысык-Көл, Нарын облустары боюнча башкармалыгынан кабарлашты.

Маалыматка караганда, облустун аймагында «МАК 2019» операциясынын алкагында кара куурайды жок кылуу жумуштары 15-20-июлга чейин жүрүшү керек болчу.

«Бул учурда иштин 60%ы бүтүп калчу. Быйыл Түп, Ак-Суу жана Жети-Өгүз райондорунда тактоо иши дагы бүтө элек. Жергиликтүү органдар ишти баштабай жатып, отчетко эски сүрөттөрдү берип жатышат. Бул боюнча тийиштүү жетекчилерге чара көрүү үчүн өкмөттүн өкүлчүлүгүнө дагы кайрылып жатабыз. Бышып кетсе мыйзамсыз баңгизатын жүгүртүү менен кылмыш иши көбөйөт», - дешти башкармалыктын кызматкерлери.

Өткөн жылы «МАК 2018» операциясында Ысык-Көл облусунун аймагында 501,4 гектар жерде кара куурай өскөнү аныкталып, 445 гектары жок кылынган. Тапшырманы аткарбаган Ысык-Көл районунун бир катар айыл аймактарынын жетекчилери сөгүш алган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×