Бөлүмдөр
Жекшемби, 20-октябрь
Ысык-Көл облусуЫсык-Көл району 26.09.2019 15:15 На русском

Ысык-Көлдө 35 жаштагы кишини өлтүрө сүзүп кеткен айдоочу кармалды (сүрөт)

Turmush -  Ысык-Көл районунда жол кырсыктын кесепетинен 35 жаштагы киши каза болду.

Turmush басылмасына маалым болгондой, жол кырсык 24-сентябрда Балыкчы — Ананьев — Каракол унаа жолунун 138-чакырымында, тактап айтканда Жаркынбаев айылында катталган. Анын кесепетинен аталган айылдын 1984-жылы туулган тургуну А.Айдар каза болгон.

Оперативдүү издөө иштеринин жүрүшүндө унаанын айдоочусу Тажикстандын Жерге-Тал районунун Чубай айылында 1954-жылы туулган У.Х. экендиги аныкталган. Ал «Мерседес-Бенц Спринтер 313» үлгүсүндөгү кичи автобусту башкарып бара жаткан. Унаа анын уулу — Аламүдүн районунун тургуну У.С.га тийиштүү болгон.

Тергөө иштеринин жүрүшүндө унаанын башкаруучусу У.Х. Аламүдүн районуна конокко келип, айыл чарба иштерине дагы жардам берип жүргөн. Окуя болгон күнү Караколго кайтып бара жаткан.

Жол кырсык боюнча экспертиза дайындалып, иликтөө иштери жүрүүдө.

Унаа Ысык-Көл ОИИБдин ЖКККБнын издөө бөлүмүнүн инспектору, капитан А.Усубакунов жана Ысык-Көл РИИБдин жол инспектору Таалай Жумагулов тарабынан табылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×