Бөлүмдөр
Жекшемби, 20-октябрь
Ысык-Көл облусуЫсык-Көл району 27.09.2019 15:36

Ысык-Көлдө жыл башынан бери 8 өспүрүм өз жанын кыйган

Turmush -  Ысык-Көл облусунда жыл башынан бери 8 өспүрүм өз жанын кыйган. Бул тууралуу өспүрүмдөр арасындагы кылмыштардын алдын алууга багытталган форумда маалымдалды, деп билдирет аймактык кабарчы.

Маалым болгондой, облус боюнча Каракол шаарында 2, Түп районунда 2, Ак-Сууда 2, Жети-Өгүз жана Тоң райондорунда бирден учур катталган. Ошондой эле Жети-Өгүз жана Ак-Суу райондорунда сексуалдык мүнөздөгү аракеттерге мажбурлоо боюнча бирден факт катталган. Опузалап талап кылуу боюнча 4 факт катталган. Бул убакыттын ичинде 45 окуучу ар кандай кылмыштарга катышкан.

Форумдун катышуучулары кылмыштардын алдын алуу жолдорун талкуулашып, аны менен күрөшүүнүн жаңы методдорун сунушташты. Кылмыштуулуктун алдын алууда мугалимдердин жана ата-энелердин ролу чоң экени, биргелешип иштөөнүн натыйжасында өспүрүмдөр арасындагы кылмыштуулук азайып жатканы айтылды.

Маалым болгондой, облустун аймагында жыл башынан бери өспүрүмдөр тарабынан 19 кылмыш жасалган. Бул былтыркы жылдын ушул айларына салыштырмалуу 86 фактыга аз. Ал эми өспүрүмдөргө карата жасалган кылмыш 10 учурга азайган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×