Бөлүмдөр
Жекшемби, 20-октябрь
Ысык-Көл облусуЫсык-Көл району 01.10.2019 18:53 На русском

Ичеги-карыны жолдо чубалып жатат: Жаш айдоочу менен жылкы өлгөн унаа кырсыктын чоо-жайы. Видео

Turmush -  27-сентябрда Ысык-Көл районунун Бостери айылындагы унаа кырсыктан айдоочу жигит каза болуп, 1 жылкы өлдү. Бул тууралуу аймактык кабарчыга күбөлөр билдиришти.

Маалыматка караганда, кырсык 19:30 чамасында болгон. Ак-Суу районунун 1993-жылы туулган тургуну Д.Аман «БМВ» үлгүсүндөгү унаасын башкарып бара жатканда жылкыны сүзүп кеткен. Андан кийин ошол эле багытта кетип бара жаткан, Орто-Өрүктү айылынын 1987-жылы туулган тургуну А.Алмаздын башкаруусундагы «Фольксваген Венто» үлгүсүндөгү унаага урунган. «БМВ» унаасынын айдоочусу А.Д. окуя болгон жерде каза тапкан. Кырсыктан жабыр тарткан Каракол шаарынын 2007-жылы туулган тургуну Н.Эрбол, 2003-жылы туулган Н.Элдар жана 1994-жылы туулган Т.Наргиза Чолпон-Ата шаардык ооруканасына жеткирилген.

Окуя тууралуу:

Буга чейин Ысык-Көл районунун аймагында адам өмүрү кыйылган жол кырсык болгондугу кабарланган болчу.

Кырсыкка күбө болгон окурман «Репортерго» билдирген маалымат боюнча, кара түстөгү «БМВ 525» унаасы батыштан чыгышка карай жүрүп бара жаткан. Балыкчы—Каракол унаа жолунун 92-чакырымына жеткенде жолдон чыга калган жылкыны сүзгөн. Анын кесепетинен жеңил унаанын айдоочусу жана жылкы дагы көз жумду. Андан тышкары жүргүнчүлөр ар кандай жаракаттар менен Ысык-Көл райондук ооруканасына жеткирилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×