Бөлүмдөр
Жекшемби, 20-октябрь
Ысык-Көл облусуЫсык-Көл району 03.10.2019 14:06

Ысык-Көлдө жыл башынан бери мал-жандык катышкан жол кырсыктан 1 адам каза болду

Turmush -  Ысык-Көл облусунда жыл башынан бери мал-жандык катышкан жол кырсыктардан 1 адам каза болуп, 14 адам жабыркаган. Бул тууралуу ОИИБдин ЖККК бөлүмүнөн билдиришти.

Маалыматка караганда, учурда жайлоодон мал түшүп жаткандыгына байланыштуу жол кырсыктарын алдын алуу багытында фермерлерге түшүндүрүү иштери жүргүзүлүп жатат.

«Өткөн жылы жолдун жээгинде жүргөн жылкыларга жарык берүүчү тасмалар байланып, жол кырсыктарын алдын алууга аракеттер көрүлгөн. Учурда мал-жандыкты жолдун жээгине кароосуз калтырбоону өтүнүп, түшүндүрүү иштерин жүргүзүп жатабыз. Ал эми фермерлер идентификациялоону алгач жылкыдан баштоо керектигин айтышты», - деп айтылат маалыматта.

Буга чейин Ысык-Көл районунун аймагында адам өмүрү кыйылган жол кырсык болгондугу кабарланган.

Кырсыкка күбө болгон окурман «Репортерго» билдирген маалымат боюнча, кара түстөгү «БМВ 525» унаасы батыштан чыгышка карай жүрүп бара жаткан. Балыкчы—Каракол унаа жолунун 92-чакырымына жеткенде жолдон чыга калган жылкыны сүзгөн. Анын кесепетинен жеңил унаанын айдоочусу жана жылкы дагы көз жумган. Андан тышкары жүргүнчүлөр ар кандай жаракаттар менен Ысык-Көл райондук ооруканасына жеткирилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×