Бөлүмдөр
Жекшемби, 18-август
Ысык-Көл облусуЫсык-Көл району 29.08.2014 16:02

Ысык-Көл районунун мугалимдери хиджаб кийген окуучулардын саны көбөйүп кеткендигин айтып, окуучулардын бирдиктүү формасын тезинен киргизүүнү өтүнүшүүдө

Turmush -  Ысык-Көл районунун мугалимдери хиджаб кийген окуучулардын саны өткөн жылга караганда 5-6 эсе көбөйүп кеткенине кабатыр болуу менен, мектептерге окуучулардын бирдиктүү формасын тезинен киргизүү өтүнүчүн айтууда. Бул тууралуу Жогорку Кеңештин Билим берүү, илим, маданият жана спорт боюнча комитетинин төрагасы Каныбек Осмоналиев Чолпон-Ата шаарында аймактын педагогикалык жамаат өкүлдөрү менен жолугушуу өткөрүү учурунда белгилүү болду.

Алар, ошондой эле, окуу китептери менен окутуу программаларынын ортосунда чоң ажырым болуп жатканына да нааразы.

К.Осмоналиевдин айтымында, Ысык-Көл районунун мугалимдери математика, физика сыяктуу бир катар сабактардын сааты кыскарып кеткендиктен, окуу китептери окутуу программасына шайкеш келбей калганын да белгилешти. «Андан сырткары, Жалпы республикалык тестирлөө өзүн актабай калгандыктан, тезинен Бирдиктүү мамлекеттик сынак усулуна өтүү зарылдыгын айтышты. Мен мындай пикирге кошулам, ошондон улам бул маселени тездетүү чараларына колкабыш кылууга сөз бердим», - деди депутат К.Осмоналиев.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×